Այսօր, մայիսի 28-ին Լոնդոնի լեգենդար «Ուեմբլի» ստադիոնում կկայանա մրցաշրջանի գլխավոր ֆուտբոլային իրադարձությունը` եվրոպական Չեմպիոնների լիգայի եզրափակիչը: Առաջին անգամ եզրափակիչ հանդիպումն անցկացվում է շաբաթ օրը: Նախկինում այն տեղի էր ունենում բացառապես չորեքշաբթի:

Բարսելոնան եւ Մանչեսթեր Յունայթեդը կփորձեն չորրորդ անգամ նվաճել Չեմպիոնների գավաթը: Կատալոնացիները վերադառնում են մի ստադիոն, որտեղ 1992 թվականին նվաճել են Չեմպիոնների առաջին գավաթը: Լեգենդար «Ուեմբլին» վերակառուցումից հետո դարձյալ ֆուտբոլային սրբատեղի է:

Բարսելոնա – Մանչեսթեր Յունայթեդ հանդիպումը երկու տարի առաջ Հռոմում կայացած եզրափակիչի կրկնությունն է: Այն ժամանակ Բարսելոնան հաղթեց 2:0 հաշվով: Հռոմեական եզրափակիչը հեռուստադիտողների քանակով առաջին անգամ գերազանցեց ամերիկյան ֆուտբոլի եզրափակիչը` Սուպերբոլը: 109 միլիոն հեռուստադիտող ամբողջ աշխարհում հետեւեց այդ խաղի հեռարձակմանը: Այս անգամ սպասվում է առնվազն ցուցանիշի կրկնություն: 2009-ին Ֆերգյուսոնն առաջին անգամ պարտվեց Չեմպիոնների լիգայի եզրափակիչում: Դրանից առաջ, երեք անգամ նա հաղթանակած էր դուրս եկել փորձությունից: Ակումբները Լոնդոնում են չորրորդ տիտղոսի համար:

Չեմպիոնների լիգայի բոլոր հաղթողները

«Ռեալ» (Մադրիդ) – 9 (1956, 1957, 1958, 1959, 1960, 1966, 1998, 2000, 2002)

«Միլան» - 7 (1963, 1969, 1989, 1990, 1994, 2003, 2007)

«Լիվերպուլ» - 5 (1977, 1978, 1981, 1984, 2005)

«Այաքս» - 4 (1971, 1972, 1973, 1995)

«Բավարիա» - 4 (1974, 1975, 1976, 2001)

«Բարսելոնա» - 3 (1992, 2006, 2009)

«Ինտեր» - 3 (1964, 1965, 2010)

«Մանչեսթեր Յունայթեդ» - 3 (1968, 1999, 2008)

«Բենֆիկա» -2 (1961, 1962)

«Նոթինհեմ Ֆորեսթ» - 2 (1979, 1980)

«Պորտու» - 2 (1987, 2004)

«Յուվենտուս» - 2 (1985, 1996)

«Աստոն Վիլա» - 1 (1982)

Բարսելոնա – Մանչեսթեր Յունայթեդ

Թիմերի հնարավոր կազմերը

«Բարսելոնա». Վալդես – Ալվեշ, Պիկե, Մասկերանո, Պույոլ – Բուսկետս, Չավի, Ինյեստա – Մեսի, Վիլյա, Պեդրո

«Մանչեսթեր Յունայթեդ». Վան դեր Սար – Ֆաբիո, Վիդիչ, Ֆերդինանդ, Էվրա – Վալենսիա, Գիգզ, Քերիք, Պարկ – Ռունի, Էրնանդես

Բուքմեքերների կանխատեսումը

Bwin
1.95 – 3.5 – 3.5